مبادرة من أمير عاطف لمشاركة موقعه مع كل من لديه موهبة.. وإضافة أقسام جديدة فيه

قد صرح الكاتب أمير عاطف في صفحته الشخصية، وصفحته الرسمية… أنه سوف يضيف أقسام جديدة في الموقع الرسمي له ليكون مخصصًا لخدمتهم ومساعدتهم وإيصال صوتهم إلى أبعد مدى..

مبادرة من أمير عاطف لمشاركة موقعه مع كل من لديه موهبة.. وإضافة أقسام جديدة فيه
الكاتب أمير عاطف

وهذا هو نص المنشور:

الأصدقاء الأعزاء…
ركزوا في البوست دة كويس جدًا واقروه للآخر…
⬅️ دة موقعي الرسمي 👇
https://www.amiratef.com
واللي بيتنشر فيه كل حاجة عني وعن شغلي وكتبي ورواياتي وكدة… وفيه فريق شغال عليه وبينزل الأخبار دي…
⬅️ عدد الزوار يوميًا: من 600 : 1200 زائر
المهم… أنا قررت إني مخليهوش ليا لوحدي… وإني أضيف فيه أقسام جديدة لخدمتكم ومساعدتكم ولتوصيل صوتكم لأبعد مدى.. والأقسام دي هتكون كالآتي:
🔺 قسم ريفيوهات للكتب والروايات
🔺 قسم مقالات ثقافية حرة ” مقالات رأي “
🔺 قسم المواهب الصاعدة والأقلام الناشئة

1 ـ بالنسبة لقسم ريفيوهات الكتب:
شرط النشر فيه هو إن الريفيو أو المقال النقدي يكون حصري بمعنى إنك متنزلوش في أي موقع تاني.. أو على الأقل مش قبل أسبوع من نشره في موقعي.
2 ـ بالنسبة لقسم مقالات الرأي:
شرط النشر فيه هو إنه يكون حصري… بالإضافة إنه لا يسيء لأشخاص أو أديان ويكون بعيد عن السياسة… مقال أدبي أو ثقافي.
3 ـ بالنسبة لقسم الأقلام الصاعدة:
كذا جهة مهتمة بالنشر تواصلت معايا وكلمتني، عشان أرشح لها أقلام جادة ومواهب حقيقية في الكتابة… وعلى استعداد إنهم ينشروا لهم، ينشروا لأي حد يستحق. عشان كدة القسم دة هيكون منصة ليهم، هيدخلوا بين الحين والآخر يشوفوا الشغل اللي هينزل فيه (سواء قصة قصيرة ـ نوفيللا ـ قصة رعب ـ خاطرة…إلخ) وهيتواصلوا معاهم… برعايتي.
القصة هتنزل باسم صاحبها أكيد… وفي نهايتها هيتحط وسائل التواصل مع صاحبها.
.
⚠️ طيب إيه المطلوب؟!
⬅️ اللي عاوز يشارك في أي بند من التلاتة يبعت ميل على:
writer.amir.atef@gmail.com‏
ويكتب في العنوان اسمه + رقم البند اللي هيشارك فيه (يسمح المشاركة في أكتر من بند)
جوة الميل يكتب هو هيقدر يبعت بشكل (يومي/أسبوعي/شهري)
فريق العمل هيبعتله ميل بكافة التفاصيل
⬅️ ملحوظة: أنا هعمل جوايز أسبوعية لأكتر قصة حازت على إعجاب المشاهدين وعملت أكتر مشاهدات…
ـ هنشرها في صفحتي الرسمية على الفيسبوك
ـ هرشحها بشكل مباشر للنشر
ـ هرسل لهم كتب وروايات بتاعتي موقعة “هدية”
ـ وأخيرًا هيكون في جوايز مادية… فلوس.. بس محدش يتوقع إنه يكون آلافات لأني مش قاعد على بنك 😅😀 هيكون مبلغ تشجيعي.
.
لو مهتم اشترك… لو مش مهتم اعمل شير… أو منشن لحد صديقك مهتم… وأي سؤال اكتبه وهجاوب عليه…
تحياتي
أمير عاطف

Comments are closed.

رجوع
Telegram
Messenger
قناة اليوتيوب
Instagram
%d مدونون معجبون بهذه: